Педагогический проект

Педагагічны праект

«Гісторыя малой радзімы ў імёнах і падзеях.

Я. В. Мікульчык –гонар школы, раёна, краіны»

Тэрміны рэалізацыі педагагічнага праекта: 2018-2020

Актуальнасць праекта

Адной з галоўных задач выхавання, вызначаных у Кодэксе Рэспублікі Беларусь аб адукацыі і Праграме непарыўнага выхавання дзяцей і вучнёўскай моладзі ў Рэспубліцы Беларусь на 2016-2020 гады,  з’яляецца фарміраванне грамадзянскасці, патрыятызму і нацыянальнай самасвядомасці навучэнцаў на падставе дзяржаўнай ідэалогіі.

 Мы хочам бачыць Беларусь моцнай і квітнеючай дзяржавай. Паняцці «Бацькаўшчына», «Радзіма», «патрыятызм» маюць сапраўды высокі сэнс. Вялікую ролю ў фармаванні патрыятычных пачуццяў дае вывучэнне гераічнага мінулага  краіны і асобных яе герояў.  Яны –  носьбіты памяці, традыцый, вопыту. Яны – звязнае звяно паміж пакаленнямі, прыклад для моладзі.  

Піянерская дружына дзяржаўнай установы адукацыі  «Пухавіцкая сярэдняя школа» носіць імя генерала-лейтэнанта Я.В. Мікульчыка. 2018 год аб’яўлены Годам малой радзімы, таму члены ГА «БРПА» школы пад кіраўніцтвам педагога-арганізатара Бурлевіч М.У. і кіраўніка аб’яднання па інтарэсах «Мінуўшчына» Кушнярова В.А. распрацавалі праект «Гісторыя малой радзімы ў іменах і падзеях. Я.В.Мікульчык – гонар школы, раёна, краіны», каб прадоўжыць работу па ўвекавечванню памяці Я.В. Мікульчыка, падтрымаць  у школе традыцыі  па грамадзянскаму і патрыятычнаму выхаванню, якія звязаны з яго іменем.

У сучасных умовах, калі адбываюцца глыбокія змены ў жыцці грамадства, бурацца ўсталяваныя сувязі паміж бацькамі і дзецьмі, рэальныя суадносіны паміж падлеткамі замяняюцца на віртуальныя, патрэбна знайсці новыя формы і метады работы з падрастаючым пакаленнем. У праекце запланавана правядзенне такіх цікавых форм работы, як:  ваенна-патрыятычны квест, велатрыял, прысвечаны памяці знакамітага земляка, паход па месцах баявой славы, сустрэчы з прадстаўнікамі ваенных прафесій, акцыі і аперацыі.

Асноўная ідэя праекта

Дэвіз  нашага праекта:  «Жыццё і дзейнасць героя возьмем за аснову сваёй грамадзянскай пазіцыі!»  У рамках праекта можна будзе рэалізаваць асноўную мэту  ГА «БРПА» – дапамагчы кожнаму члену арганізацыі вырасці грамадзянінам, патрыётам, сваімі справамі і ўчынкамі прыносіць карысць сабе, сваёй сям'і, сваёй радзіме.  

 Мэты і задачы праекта

Мэта: садзейнічаць фарміраванню грамадзянскай і патрыя­тычнай пазіцыі членаў ГА «БРПА» праз падтрыманне традыцый, увекавечванне памяці генерала-лейтэнанта Яўгенія Васільевіча Мікульчыка – земляка, патрыёта сваёй радзімы,чыё імя носіць піянерская дружына.

Задачы

- садзейнічаць сацыяльнаму станаўленню членаў ГА «БРПА», выхаванню лепшых маральных якасцяў, пачуццяў нацыянальнай самасвядомасці і грамадзянскага абавязку праз вывучэнне  біяграфіі славутага земляка, падтрымцы традыцый, звязаных з іменем Я.В. Мікульчыка – выпускніка Пухавіцкай сярэдняй школы;

- садзейнічаць працэсу павышэння грамадзянскай актыўнасці, развіццю лідарскіх якасцяў членаў ГА«БРПА»  і ГА «БРСМ» праз дзейнасць дзіцячых і маладзежных арганізацый;

- далучаць членаў ГА «БРПА» і ГА «БРСМ»   да пошукавай і краязнаўчай  дзейнасці, ствараць умовы   для актыўнага вывучэння  школьнікамі  гісторыі сваёй малой радзімы, захаванню гістарычнай памяці пакаленняў;

- стварыць у школе музейны вугалок «Гісторыя малой радзімы у іменах і падзеях»;

- далучыць грамадскасць да дзейнасці піянерскай арганізацыі.

Асноўныя накірункі дзейнасці:

- грамадзянскае і патрыятычнае выхаванне;

- развіццё дзіцячых і маладзежных ініцыятыў;

- пошукавая і краязнаўчая дзейнасць.

Функцыі праекта:

Інфармацыйна-асветніцкая:

-збор, афармленне і  перадача  інфармацыі;

- адлюстраванне вынікаў рэалізацыі праекта ў рэгіянальных СМІ, сацыяльных групах  “Вконтакте”.

Камунікацыйная:

- пашырэнне круга суадносін паміж дарослымі і дзецьмі;

- устанаўленне сувязей паміж установай адукацыі, грамадскімі аб’яднаннямі, дзяржаўнымі ўстановамі, прадпрыемствамі, камерцыйнымі структурамі;

- экскурсійная дзейнасць;

- прафарыентацыйная дзейнасць.

Даследчая:

• арганізацыя  пошукавай дзейнасці.

Формы работы па праекту: піянерскія акцыі і аперацыі, конкурсы піянерскіх  ініцыятыў, сустрэчы з прадстаўнікамі розных пакаленняў,запіс успамінаў «Дзеці вайны», сустрэчы з прадстаўнікамі ваенных прафесій, піянерскія зборы, экскурсіі, ваенна-патрыятычныя квесты, велатрыялы, Вахты памяці, паходы па месцах баявой славы, добраўпарадкаванне месц захавання загінуўшых у час Вялікай Айчыннай вайны, стварэнне мультымедыйнай прэзентацыі «Піянерская дружына імя Я.В. Мікульчыка», стварэнне відэафільма «Памяць пакаленняў».

Этапы рэалізацыі праекта

1 этап: арганізацыйна-падрыхтоўчы:  верасень – снежань 2018года.

Мэта: выбар найбольш эфектыўных форм і метадаў работы над праектам, збор і афармленне матэрыялаў па тэме праекта, афармленне музейнага вугалка.

2 этап: асноўны: студзень–снежань  2019 года.

Мэта: арганізацыя экскурсійнай дзейнасці, правядзенне піянерскіх збораў, вахт памяці, акцый, адкрытых мерапрыемстваў выхаваўчага характару на базе музея, набыццё сцяга піянерскай дружыны.

3 этап: заключны:  снежань 2019 года.

Мэта: аналіз вынікаў рэалізацыі праекта.

Тэхналогія  рэалізацыі праекта

Для рашэння пастаўленых задач распрацаваны каляндарны план работы па рэалізацыі праекта.

Каляндарны план работы па рэалізацыі праекта

«Гісторыя малой радзімы ў імёнах і падзеях.

Я.В. Мікульчык – гонар школы, раёна, краіны»

Удзельнікі праекта.

- члены ГА «БРПА», ГА «БРСМ» дзяржаўнай установы адукацыі «Пухавіцкая сярэдняя школа»;

- грамадскасць;

- бацькі навучэнцаў;

- настаўнікі.

Для рашэння пастаўленых задач выкарыстоўваецца: сацыяльна-педагагічная прастора  ДУА «Пухавіцкая сярэдняя школа»; ДУДА «Цэнтр творчасці дзяцей і моладзі «Світанак».

Рэсурснае забяспячэнне праекта:

Нарматыўна-прававое забяспячэнне праекта:

1. Кодэкс Рэспублікі Беларусь аб адукацыі.
2. Канцэпцыя непарыўнага выхавання дзяцей і вучнёўскай моладзі.
3. Праграма непарыўнага выхавання дзяцей і вучнёўскай моладзі ў Рэспубліцы Беларусь на 2016-2020 гады.

Кадравае забяспячэнне праекта:

Метадычнае забяспячэнне праекта: стварэнне сцэнарных распрацовак мерапрыемстваў, стварэнне мультымедыйнай прэзентацыі «Піянерская дружына імя Я. В. Мікульчыка», відэафільма «Памяць пакаленняў», збор і афармленне  экскурсійнага матэрыялу, распрацоўка экскурсіі  «Яго імя носіць наша піянерская дружына».

 Матэрыяльна-рэсурснае забяспячэнне праекта:

-набыццё сцяга піянерскай дружыны;

-набыццё і афармленне стэнда «Я.В.Мікульчык – гонар школы, раёна, краіны»;

-набыццё музейнай вітрыны для захоўвання асабістых рэчаў генерала-лейтэнанта.

Фінансаванне:

-спонсарскія  сродкі.

Партнёры і спонсары праекта:

-Пухавіцкі РС ГА «БРПА»;

-пярвічная арганізацыя прафсаюзаў навучэнцаў УА «Мар’інагорскі дзяржаўны ордэна «Знак Пашаны» аграрна-тэхнічны каледж імя У.Е.Лабанка»;

-ДУ «Раённы краязнаўчы музей»;

-ААТ «Машхарчпрад»;

-ТП ААТ «Пухавічыторг»;

- ААТ «Пухавіцкі вопытна-эксперыментальны завод»;

-РК ГА «БРСМ»;

-Пухавіцкі сельвыканкам.

Чакаемыя вынікі:

-арганізацыя рознабаковай грамадска значнай дзейнасці: правядзенне акцый, аперацый, Вахт памяці, сустрэч з прадстаўнікамі розных пакаленняў;

-супрацоўніцтва з грамадскімі арганізацыямі, прадпрыемствамі, камерцыйнымі структурамі;

- павышэнне грамадскай актыўнасці  членаў ГА «БРПА» і ГА «БРСМ»;

-набыццё сцяга дружыны;

- стварэнне музейнага вугалка «Я.В. Мікульчык – гонар школы, раёна, краіны», распрацоўка экскурсійнага маршруту на малую радзіму Я.В. Мікульчыка, вёску Міжрэчча, правядзенне  экскурсій «Яго імя носіць наша піянерская дружына» у школьным музеі для акцябрат, піянераў,членаў ГА «БРСМ»;

 -афармленне рэкламнай прадукцыі: стварэнне мультымедыйнай прэзентацыі «Піянерская дружына імя Я.В.Мікульчыка», відэафільма «Памяць пакаленняў»;

-правядзенне на базе музея адкрытых мерапрыемстваў выхаваўчага характару, піянерскіх збораў;

- адлюстраванне вынікаў рэалізацыі праекта ў рэгіянальных і рэспубліканскіх СМІ;

-прафарыентацыя на вайсковыя прафесіі  членаў ГА «БРПА», ГА «БРСМ».